‍ شعرآنا گونو حاقین دا از یک روزنامه نگار
‍ شعرآنا گونو حاقین دا از یک روزنامه نگار
‍  آنا گونو حاقین دا : « آنا » قوجاقی مهر ، محبت ، صفا کانی آنادی قورویان خیر دعاسیله بالانی آنادی آنادی شمع وجودی گونشه طعنه ویریر بالانین ساده جه باش آغریسینا سینه جیریر.

‍  آنا گونو حاقین دا :

« آنا »

قوجاقی مهر ، محبت ، صفا کانی آنادی
قورویان خیر دعاسیله بالانی آنادی

آنادی شمع وجودی گونشه طعنه ویریر
بالانین ساده جه باش آغریسینا سینه جیریر

نه عجیب حکمت یزدانی چکیب منظریه
آنا اقدس ، آنا افضل دی ملائک پریه

آنانین قلبیده احساسینه ، الطافینه باخ
قبرده یاتسا دِییَیر اولادینین دردینه آخ

جیگرین سینه سینی سوکسه چیخاردسا بالاسی
الینی کَسسه سوکنده باغیرار جان آناسی

یارب آللاهلیقوین وحیینه لایقدیر آنا
دالغالی دریالاری کئچمگه قایق دیر آنا

گویومون آی آنا هم اولدوزوسان ، هم آیی سان
منه ان نعمت و الطاف الهی پاییسان

آنا اویناد خیالین کورپه سینی نای ناییوا
یئنه نیسگیلی قالیبدیر قولاغیم لای لاییوا

فلکین باخچاسینین سونبولو نیلوفریسن
یاشاییش ساحه سینین سایتالی تک زیوریسن

آنا ، سن عاطیفه نین بایداسی اول ، جانه جالان
آتا اولسا ، آنا اولسا ، یئنه محتاجدی بالان

گئتمه ای مهر و محبتلی آنا ، گئتمه دایان
قال آنا ، اولسا دوواردا اولاسان بیرجه سامان

گور آنا عیزّ تینی چک اورگه میننه تینی
آیاقی آلتدا قویوب خالیقی میز جنتینی

ای « وصالی » سُوزولن سویلمک اولماز آنانی
آنا دان عالم خیلقته وفاداری هانی

« ابوالفضل وصالی – ۲۵آبان ۱۳۸۷»